अलर्ट; विदर्भात मुसळधार पावसाचा जोर वाढणार! आज 8 जिल्ह्यांना मुसळधार पावसाचा अलर्ट…
व्हायरल फार्मिंग : आज दिनांक/ 07 ऑगस्ट दुपारचे 4 वाजले आहे. आज राज्यात पुन्हा विदर्भ, मराठवाड्यात आणि कोकणात पावसाचा जोर वाढणार असल्याची माहिती हवामान खात्याने दिली आहे.
तसेच मागच्या 48 तासात कोकणासह इतर भागात पावसाचा जोर कमी झाला असून राज्यात बहुतांश ठिकाणी ढगाळ वातावरण तर कोकण आणि घाट माथ्यावर पाऊस पाहायला मिळाला आहे.
आज विदर्भात पावसाचा वाढण्याची शक्यता..
आज दिनांक/ 07 ऑगस्ट रोजी विदर्भात बहुतांश ठिकाणी ढगाळ वातावरण असून गडचिरोली आणि गोंदिया जिल्ह्यांना अती मुसळधार पावसाचा ऑरेंज अलर्ट हवामान खात्याने जारी केला असून जोरदार ते अती जोरदार पावसाचा अंदाज आहे. तसेच विदर्भातील चंद्रपूर आणि भंडारा जिल्ह्यांना हवामान खात्याचा येलो अलर्ट असून मुसळधार ते मध्यम पावसाचा अंदाज वर्तवण्यात येत आहे.
विदर्भातील बुलढाणा, अकोला आणि वाशिम हे तीन जिल्हे वगळता अमरावती, यवतमाळ, वर्धा आणि नागपूर या जिल्ह्यांना विजासह जोरदार ते मध्यम पावसाचा येलो अलर्ट हवामान खात्याकडून वर्तवण्यात येत आहे.
विदर्भ अलर्ट :-
ऑरेंज अलर्ट :- गडचिरोली व गोंदिया या दोन जिल्ह्यांना आज हवामान खात्याने ऑरेंज अलर्ट जारी केला आहे.
येलो अलर्ट :- चंद्रपूर व भंडारा या दोन्ही जिल्ह्यात आज हवामान खात्याने जोरदार पावसाचा येलो अलर्ट जारी केला आहे.
मेघगर्जनेसह पावसाचा अलर्ट :- आज अमरावती, यवतमाळ, वर्धा आणि नागपूर या चार जिल्ह्यांमध्ये मेघगर्जनेसह मध्यम ते जोरदार पावसाचा येलो अलर्ट हवामान खात्याने दिला आहे.
हलका पाऊस :- विदर्भातील बुलढाणा, अकोला आणि वाशिम जिल्ह्यात हलक्या ते मध्यम तुरळक ठिकाणी पावसाचा अंदाज आहे.
आज दिनांक/ 07 ऑगस्ट रोजी मराठवाड्यात सर्वदूर ढग दाटून येणार असून जालना, छत्रपती संभाजीनगर, बीड आणि धाराशिव जिल्ह्यात हलक्या पावसाचा अंदाज आहे. तर परभणी, हिंगोली नांदेड आणि लातूर जिल्ह्यात मेघगर्जनेसह मध्यम ते जोरदार पावसाचा अंदाज हवामान खात्याने वर्तवला आहे.
कोकणात पावसाचा जोर कमी झाला असून मागील 24 तासात घाट माथ्यावर काही ठिकाणी 100 मिली मीटर पेक्षा अधिक पाऊस पडला आहे. परंतु आज दिनांक/ 07 ऑगस्ट रोजी कोकणातील पावसाचा जोर चांगलाच कमी होणार असून रायगड आणि रत्नागिरी या दोन जिल्ह्यांना मध्यम ते जोरदार पावसाचा अंदाज हवामान खात्याकडून वर्तवण्यात येत आहे तर इतर जिल्ह्यात पावसाचा जोर सर्वसामान्य राहील.
जळगाव जिल्ह्यातील आज विजेच्या कडकडाटासह काही भागात मध्यम तर जोरदार पावसाचा अंदाज हवामान खात्याकडून वर्तवण्यात आला असून विजेच्या कडकडाटासह येलो अलर्ट जारी करण्यात आला आहे.
तसेच नंदुरबार, धुळे, नाशिक आणि नगर जिल्ह्यात सर्वदूर ढगाळ वातावरण राहणार असून तुरळक भागात मध्यम पावसाचा अंदाज आहे.